бейсенбі , 24 тамыз 2017
Бастапқы бет / Басты жаңалықтар / Сапарбаев мемлекеттік қызметтегілердің руы мен тегіне емес, жұмысқа қабілетіне қарау керектігін айтты

Сапарбаев мемлекеттік қызметтегілердің руы мен тегіне емес, жұмысқа қабілетіне қарау керектігін айтты

kapital.kz

«Қолынан жұмыс істеу келетін адамдарды қызметке қоямыз. Бастысы – жұмысқа деген қабілеті, жауапкершілігі, білімі, тазалығы, адалдығы». Бұл туралы облыс әкімі Бердібек Сапарбаев ардагерлермен кездесуінде айтты, деп хабарлайды Aktobenews.kz тілшісі.

Ақтөбелік ардагерлермен кездескен облыс әкімі рушылдық, тамыр-таныс туралы ой-пікірін білдірді. Себебі, аудан, ауылды аралап жүрген облыс әкімі жергілікті тұрғындар арасында түсініспеушіліктер туындайтынын айтты.

«Әркім өзінің ата-тегін, руын білуі керек. Бірақ кейбір адамдар жиында ру туралы қайта-қайта айта береді. Ол болмайды. Біз – қазақпыз. Қазақ «бөлінгенді бөрі жейді» деп бекер айтпаған. Оның үстіне біз азбыз. Егер әрқайсысымыз ру-руға, атаға бөлініп кетсек не болады? Қызметте де сондай. Сіздер «ананы қоймады, мынаны қоймады» деп ренжімеңіздер. Әруақытта айтамын, қолынан жұмыс келетін адамды қоямыз. Ең негізгісі – жұмысқа деген қабілеті, жауапкершілігі, білімі, тазалығы, адалдығы. Тамыр-таныстық туралы да айтылады. Шамамыз келгенше жойып жатырмыз. Ешқандай тамыр-таныс деген болмайды. Әркім өзінің басымен жұмыс істеуі керек. Сонда өңіріміз дамиды, барлығымыздың жағдайымыз жақсарады», — деді Бердібек Сапарбаев.

Өңір басшысы кездесу кезінде білімді адамдар ғана табысқа жететінін жеткізді.

Жазира Сұлтан, Aktobenews.kz

Пікір қалдыру

Сіздің e-mail жарияланбайды. Толтырылуы міндетті *