Түркістан облысында бес адам газдан уланып көз жұмды

Жедел жəрдем көлігі. Көрнекі фото

Түркістан облысында бір тәулікте бес адам газдан уланып қайтыс болды, бес адам ауруханаға түсті. Бұл туралы Азаттыққа облыстық төтенше жағдайлар департаментінің баспасөз қызметі хабарлады.

Баспасөз қызметінің мәліметінше, 6 қарашада Түркістан облысындағы Сайрам, Қазығұрт және Бәйдібек ауданында он адам газдан уланған. Олардың бесеуі қайтыс болған. Көз жұмғандардың үшеуі – бала.

Департаменттің хабарлауынша, уланған бес адам аудандық ауруханаларға жатыр. Зардап шеккендер үйдегі қол пешті жылыту үшін газ қолданған.

Пікір қалдырыңыз