дүйсенбі , 21 тамыз 2017
Бастапқы бет / Басты жаңалықтар / Назарбаев Астананың жаңа вокзалы жайында: «Мен мұндайды Еуропада да көрген жоқпын»

Назарбаев Астананың жаңа вокзалы жайында: «Мен мұндайды Еуропада да көрген жоқпын»

EXPO-2017 халықаралық көрмесі қарсаңында Нұрсұлтан Назарбаев Астанадағы «Нұрлы жол» жаңа теміржол вокзалында болып қайтты, — деп хабарлайды Tengrinews.kz тілшісі.
Сурет: tengrinews.kz
«Жуырда EXPO ашылады, осыған байланысты Астананың жаңа мақтанышы болатын жаңа нысандарды аралап жүрмін. Бұл бұрынғы кеңес елдері арасындағы осындай жалғыз вокзал, мен тіпті Еуропада мұндайды көрген жоқпын. Ол болашаққа арналып салынған. Қазақстанның барлық өңірін «Тальго» жүрдек пойызымен байланыстырдық, олар сағатына 150-200 шақырым жылдамдықпен жүре алады. Бұрын Алматыдан 24 сағатта жететін болсақ, қазір 11 сағатта», — деді Назарбаев.

Сурет: tengrinews.kz

Нұрлы жол» жаңа вокзал кешенінің жалпы аумағы 126 мың шаршы метр, алты деңгейлі ғимарат. Өткізу мүмкіндігі — тәулігіне 35 мың жолаушы.

Бірінші және екінші қабат жер астында, онда 740 орындық көлік тұрағы (вокзал айналасында тағы 750 орындық тұрақ бар) және қызметтік-техникалық бөлімдер орналасқан. Үшінші қабаттағы перронның төбесі жабық, ауа райының кез келген құбылуынан қорғайды. Перронға билеті жоқ адамдар өткізілмейтінін айта кетейік.
Сурет: tengrinews.kz
Төртінші қабатта күту залы, сауда дүңгіршектері мен кассалар орналасқан. Бесінші қабатта тамақтану орындары мен қонақүйлер бар. Алтыншы қабат қызметтік пайдалануға берілген.
«Вокзал қауіпсіздігіне көп көңіл бөлінген, 510 бақылау камерасы, 16 тексеру орны «Әскерилендірілген теміржол күзеті» мен полицелер үнемі сақ жүреді», — дейді ҚТЖ өкілі Жұбан Көрпебаев.
Айта кетейік, жаңа вокзалда пойыз 1 маусымда жолға қойылады.

Пікір қалдыру

Сіздің e-mail жарияланбайды. Толтырылуы міндетті *